ëUa fero ha'amauhia te va'a i te aha mo'a a TANE
ëUa fero ëe ëua ferohia
ëUa taviri ëe ëua taviriviri
Eaha ia e paruparu ai ?
E rere ra ia va'a na te mata'are roroa
E rere ra ia va'a na te mata'are popoto
Mai te hiti tautau mai e tae roa i te hiti tautau atu
E va'a ra e ! e ma'o nui ai ata ia
e oiora'a motumotu i te are roroa
e i te are popoto

----------------

Inaha ho'i ëoutou na e !
I te fanora'a mai na te moana are fetufetu
Mai HAWAI'I-A mai, te fenua o te matau nui a MAUI,
te fenua a noa
ëAore ho'i i ëitea e, e tae fa'ahou mai anei i te fenua ai'a nei
ëA riro atu ho'i i te to'a o te moana
Te vai upo'oti'ati'a noa ra ho'i ëo OROPA'A-ATUA-MOANA
I roto i te pu mata'i, e ëore e aueue, e ëore e vi
ëE ëua api roa ho'i te ao nei iana
Te are teatea e fafati ra, e tieniho ia nona
ëAore ana vaha, ëaore ana reo
E horomi'i noa ra i te ta'ata e i te va'a ta'ata
E ëore ho'i e ha'apae i te ari'i
ëUa fa'aruru huru fa'aruru ra ëoutou... e inaha, ëua tae mai
Manava, ëia ora ëoutou e te mau taea'e, ihitai paro'o o HOKULE'A
Manava i to ëoutou taera'a mai, mai to ëoutou tere
Marama roa e te ataata na te e'a paruparu o te moana hauriuri
Ia aruehia te Atua i te ra'i teitei ra !
Manava i te farerei fa'ahoura'a !

-------------

Teie to taua ai'a tupuna
Teie to taua hui taea'e
Ua i te a'au i te popou rahi
E te'ote'ora'a ho'i ëoutou na matou i mua i to te ao
ëIa horo te mau ëarere mai tahatai atu nei i te vao
Mai apato'a i Apato'erau ëe mai te Hitia'a o te ra i te To'o'a o te ra
E fa'aara i te nuna'a e, ëe ëua pu te ae'ae o te tere o HOKULE'A, ëe ëua
fa'ati'a fa'ahou i te ro'o o te hui tupuna, ëaito tuiro'o moana atea
ëUa tu'oro'oro a'enei te reva, ëua hatuatua i na pu mata'i o TO'A ëe ëo TO'ERAU
ëUa a'ehuehu te fenua, ëua umere i to tere e HOKULE'A na te Ta'i nui, te marae nui o te ao nei,
ëUa amo'amo na mata o TO'ERAU i te tianianira'a i te tama o AHURA'I, ëua pa te maraa'i, te omua iti o TO'A,
ëUa na ni'a mai ëoe i te tua o ATEA-TA'O-NUI, e vai i na poro e ha, mai te fenua nei e tae roa i te ra'i,
ëUa api ho'i te aere iana.
ëUa arata'i maite ëo TINORUA-FATU-MOANA ia ëoe na tona ëutuafare maniatiputaputa ëe ëua tonotono i tona ra ma'o arere ëei paruru no ëoe, ëei moana matahataha a'e no to ëoe na tere,
ëUa farara ëe ëua puihauhau o MAOA'E-E-RA'I-ANEANE, matahiapo e ari'i o te matai ëia fano hau a'e ëoe i te ai'a nei,
Na MATARI'I ëe ëo TA'URUA-FAU-PAPA, mata no TA'AROA-NUI ëe no ATEA i tianiani i to ëoe na tere, ëei mata avei'a ho'i no ëoe na te moana.
ëAue ra ho'i te popu rahi e !!!
ëUa ho'i mai te ohi tei purara na, na te moana atea i tona pu'e ai'a !
ëA haere ana'e mai ra e to matou mau taea'e
ëA noho mai ra i ni'a i to taua ai'a tupuna o TAHITI-NUI i te vai uri rau
Tei ahu i te ahu puteatea a TA'AROA ëe a TANE
Tei hei i te raumaire ëe i te rau huru rau o te fenua ëei fa'ahanahana ia ëoutou, ëoutou ho'i tei ta'amu fa'ahou i te taura nati o te ura i rotopu ia HAWAI'I FANAURA'A FENUA ëe ia VAIHI-AHUAHU a TAFA'I-IRI-URA, i motu na e tini e tini e manotini marama.
Manava e te au tahu'a ëohipa o to ëoe tere e HOKULE'A
Manava ëoe e te tauh'a iritea e EMORY e !
ëOe ho'i e KAWAINUI, tahu'a papa'i, tahu'a paro'o ho'i orua,
matamata ohiti e taere ho'i no teie farereira'a to tatou ia tatou iho.
Manava ëorua e KAVIKA e RODO, ihotatou ofefa a te hui tupuna, tei rurutaina i te vi'ivi'i tai, i ëore ra i vi, ëua mau papu ra i te hoe o HOKULE'A.
E hua'ai mau ra ëoutou, e te mau taea'e, na TA'AROA, na MAUI, na TAFA'I-IRI-URA, na HIRO, te mau ëihitai ro'onui o te tau au'iu'i tei fa'atenitenihia e to tatou ra hui tupuna.
Te fa'ateniteni ato'a atu nei to te fenua
ëUa hamama te ana o te fenua ëe te fari'i popou atu nei.

MANAVA E HOKULE'A !